Dalawang araw na human rights seminar itinakda
Dalawang araw na malaking seminar hinggil sa karapatang pantao ang
ilulunsad ng Philippine Army mula sa darating na Hunyo 22 hanggang 23.
Ito'y bilang patunay sa paninindigan ng Philippine Army sa mahigpit na
pagrespeto sa prinsipyo ng mga karapatang pantao at hangaring maipaunawa
sa lahat ng mga sundalo ang kahalagaan nito.
Kasama sa mga prayoridad ni Army chief Lt Gen Delfin N Bangit ang
patuloy na pagpapaliwanag sa mga sundalo sa paggalang sa mga karapatang
pantao bilang bahagi ng mandatong tungkuling protektahan ang sambayanang
Pilipino.
Ipinagmamalaki ng Philippine Army na dahil sa ibayong pagsisikap ay mas
nagiging epektibo ang mga hakbang na isinasagawa upang pangalagaan ang
karapatang pantao ng bawat isa. Regular din ang inilulunsad na human
rights seminar sa ibat-ibang yunit ng Army sa buong bansa, bukod pa sa
kasama rin ito sa mga itinuturo sa mga opisyal na schooling at training
ng militar. Isa pang patunay na pinahahalagahan ng Philippine Army ang
karapatang pantao ay ang paglunsad ng kauna-unahang human rights book na
sinulat ng military sa Asya noong 1999. Ito ay kinilala ng Commission on
Human Rights sa pangunguna ng dati nitong pinuno na si Commissioner
Aurora N Reciņa.
Maliwanag din sa lahat ng mga sundalo ang kakaharaping parusa sa sino
mang lalabag sa karapatang pantao, hindi lamang sa batas ng sibilyan
kundi maging sa regulasyon ng militar.
"It is disheartening to soldiers - who put their lives at stake - to be
blamed with every disappearance and unexplained killings," diin ni Lt.
Gen. Bangit.
"I will make sure that the Philippine Army will live by the principle of
human rights every single day. Make no mistake. I will waste no time not
only to punish, but to bring justice to members of the Philippine Army
who would dare violate human rights. With same fervour, I will also work
hard to protect soldiers who would be victims of human rights
violations," dagdag ni Bangit. #
|
