Memorandum of Agreement para sa Pag-kupkop sa Tower 11 sa La Mesa Nature
Reserve Ikinasa Na
Bawat isa ay may responsibilidad na protektahan at panatilihin ang
kalinangan ng kalikasan.
Bilang bahagi ng paninindigan na garantiyahin ang proteksyon ng La Mesa
Watershed, ang Philippine Army, katuwang ang ABS-CBN Foundation, Inc.-Bantay
Kalikasan, Department of National Defense at ng Office of the Chief of
Staff, AFP ay ganap nang aampunin ang Tower 11 kasunod ng isang
seremonyang idaraos sa ika-26 ng Hunyo.
Una nang inilunsad ang Tower 11 noong ika-27 ng Marso 2009 na sinabayan
ng pagsasa-aktibo ng Task Force Tower 11.
Isasagawa ang ceremonial signing ng Memorandum of Agreement on the
Adoption of Tower 11 sa La Mesa Nature Reserve sa Biyernes sa pangunguna
nina Secretary Gilberto C Teodoro Jr., Secretary, National Defense at Ms
Regina Paz Lopez, Managing Director, ABS-CBN Foundation Inc, kasama sina
General Victor S Ibrado, Chief of Staff, AFP; LtGen Rodrigo F Maclang,
Vice Chief of Staff, AFP; LtGen Delfin N Bangit, Commanding General,
Philippine Army; Mr Valerie Mendoza, Project Manager, ABS-CBN Foundation
at Mr Marlo D Mendoza, ABS-CBN Foundation.
Sa ilalim ng Memorandum of Agreement (MOA), ang Philippine Army bilang
adopting entity ay awtorisadong maglunsad ng mga aktibidad tulad ng
pagtatanim ng mga puno, maliliit na grupo ng pagbibisikleta sa La Mesa
Nature Reserve na siyang bahagi ng promosyon sa naturang lugar at ang
isang pangunahing ahensyang nakatutok sa panahon ng proyekto.
Dagdag sa obligasyon ng Philippine Army na pagandahin ang Tower 11 ay
ang paglalagay ng lugar para sa rappelling habang pinapanatili ang
layuning maging isang lugar-tanawan o view deck ang naturang lugar.
Isa sa seryosong problema ng daigdig ang hindi mapigilang pagkasira ng
kalikasan na lalong pinatitindi ng negatibong epekto ng climate change.
Hindi lamang para tiyakin ang seguridad ng Pilipinas ang sentro ng
pakikibaka ng Army ngunit higit ding pinagtutuunan ang banta sa Inang
kalikasan. #
|
