Kasundaluhan ng 63IB, Kaisa sa isinagawang Brigada Eskwela
Catubig, Hilagang Samar - Matagumpay na isinagawa ng mga kasundaluhan ng
63IB, mga magulang at ng mga guro ang Brigada Eskwela sa ibat-ibang
Paaralan sa Bayan ng Catubig, Hilagang Samar
Sa hangaring maging mas malinis at matiwasay ang mga gusali at
kapaligiran ng mga paaralan bilang paghahanda sa darating na pasukan ay
nagsagawa ng isang Brigada Eskwela ang mga kawani ng Deped, mga magulang
at mga kasundaluhan ng 63IB sa ibat-ibang paaralan sa Bayan ng Catubig.
Noong ika 8 ng Hunyo, taong kasalukuyan ay nagsama-sama ang mga Guro,
mga Brgy. Officials, mga Magulang at mga miyembro ng 63IB sa pagsasagawa
ng Brigada Eskwela sa Opong Elementary School na kung saan ito ay
pinangunahan ni. Hon Jesus Tamayo, Punong barangay ng Brgy. Opong
Catubig, Hilagang Samar at ng Teacher-in-charge ng nasabing eskwelahan
na si Mrs Arcele Lluz kasama ang mga kasundaluhan ng 63IB sa pangunguna
ni Msg. Candido Getalado. At Noong ika 11 ng Hunyo, ay sa Catubig
Central Elementary School naman isinagawa ang nasabing Brigada na
pinangunahan ni Mrs. Linda Giray, Ang Tagapangasiwa ng nasabing
eskwelahan kasama ang mga kasundaluhan ng 63IB sa pamumuno ni 1lt
Josephus Emar m Rempillo, ang Civil-Military Operation Officer ng
nabanggit na batayon na nakabase sa Brgy. Opong Catubig, Northern Samar.
Ang Brigada Eskwela ay isang programa ng Department of Education (DepEd)
sa pakipagtulungan ng mga kasundaluhan at mga magulang sa pagsasagawa ng
isang cleanliness drive sa mga pampublikong eskwelahan upang maihanda
ang mga eskwelahan sa pagbubukas ng klase ngayong hunyo.
Ang naturang paglilinis ay isinagawa sa lahat ng paaralan sa Bayan ng
Catubig na kung saan nagtulong-tulong ang mga magulang, mga guro at mga
kasundaluhan sa paglinis, gamit ang mga bolo, grass cutter, mga walis sa
paglilinis ng mga paaralan upang maging maayos at malinis tingnan ang
naturang paaralan sa darating na pasukan.
Pinagtibay lamang ng mga ganitong uri ng larangan ang pagkakaisa at ang
ugaling pagtutulungan ng mga Pilipino, maging sa panahon ng kasiyahan at
kahirapan. Patunay lamang ito na kung isasaisip ng mga mamamayan ang
diwa ng pagkakaisa, ito’y magiging daan sa agarang pag-unlad hindi
lamang sa sarili kundi ng buong sambayanan at maaring dahil sa diwa ng
pagkakaisa, walang anumang lakas ang maaring dumaig sa diwa ng
pagkakaisa maging ang banta ng terorismo na dala ng mapagsamantalang mga
komunista na walang ibang hangarin kundi ang sirain ang tunay na diwa ng
demokrasya.
Laking pasasalamat naman ng mga Punong Gurong dalawang paaralan ng
nasabing Bayan sa mga kasundaluhan dahil sa pakikiisa at sa pangunguna
sa naturang gawain na naging daan upang mas maging malinis at kaaya- aya
ang kanilang paaralan.
Ayon naman kay Ltc Joel M Paloma, commanding officer ng 63IB pinangako
niya na sila ay nakahandang makipagtulungan sa ibat-ibang ahensiya ng
pamahalaan sa anumang gawain para sa kapakanan ng mga mamamayan at
patuloy na magseserbisyo sa bayan sa panahon ng digmaan at kapayapaan.
|
