52 Estudyante, Nagtapos ng ALPS Cum Livelihood sa Brgy. Senonogan,
Pambujan, Hilagang Samar.
Pambujan, Hilagang Samar - ginanap ang pagtatapos ng limanput dalawa
(52) na mga estudyante ng ALPS Basic Literacy sa barangay Senonogan,
Pambujan, Hilagang Samar na may tema: "Ugat ng Kahirapan, Labanan gamit
ang Kaalaman at Kabuhayan mula sa Pagkakaisa ng Mamamayan"
Noong ika-31 ng Mayo taong kasalukuyan, ginanap ang pagtatapos ng 52 na
estudyante ng ALPS Basic Literacy sa Barangay Senonogan, Pambujan ng
probinsiyang ito na kung saan ang naging pangunahing pandangal ay si Mr.
Gil Satur, Senior Trade and Industry Inspector ng DTI, Northern Samar.
Nabanggit nya sa kanyang mensahe ang kahalagahan ng mga livelihood
program ng ating gobyerno, particular na ang ALPS ng 63IB. Ani pa nya,
ang programang pangkabuhayan na ito ay malaking bagay upang makatulong
sa mga mamamayan lalo na sa mga malalayong lugar upang magkaroon ng
dagdag na pagkakaperahan para pantustos sa kanilang araw-araw na
gastusin...
Ayon kay Ltc Joel M Paloma , Commanding Officer ng 63rd Infantry
Battalion ng Philippine Amy na nakabase sa Barangay Opong, Catubig,
Hilagang Samar, ang mga Soldier-Teacher ng 63rd IB ay hindi magsasawa na
magturo at tumulong sa mga mamamayan sa mga bayan na kanilang
nasasakupan upang makatulong mapaunlad at makadagdag ng pangkabuhayan sa
mga mamamayan ng pangalawang distrito ng Hilagang Samar.
Sa kabilang dako, laking pasasalamat ng pamunuan ng 63rd Infantry
Battalion sa ibat -ibang ahensiya ng gobyerno tulad ng Kagawaran ng
Edukasyon at ng Lokal na Gobyerno ng Pambujan sa pagsupurta sa programa
ng batalyon lalong lalo na sa Army Literacy Patrol System (ALPS) cum
livelihood na naging matagumpay at makabuluhan ang pagsagawa ng
programang ito.
|
