ALPS Cum Livelihood ng BINHI Foundation Nagtapos.
 Las
Navas, Hilagang Samar - ginanap ang pagtatapos ng limanput pito (57) na
mga estudyante ng ALPS cum livelihood ng BINHI Foundation sa bayan ng
Las Navas, Hilagang Samar noong ika 12 ng Hunyo, taong kasalukuyan.
Ginanap ang pagtatapos ng 57 na estudyante ng ALPS cum livelihood sa
Bayan ng Las Navas ng probinsiyang ito na kung saan pawang mga magulang
ng mga beneficiaries ng BINHI Children’s Assistance Center ng World of
Hope Foundation na isang non-government organization na naglalayong
makatulong sa mga kapus palad nating mga kababayan. Ang ang naging
panauhing pandangal ay si Mr. Jose Turla, Principal ng Las Navas
Elementary School sa bayan ng las Navas, Hilagang Samar.. Nabanggit nya
sa kanyang mensahe ang kagandahan ng programa ng ALPS lalong lalo na sa
Bayan ng Las Navas, binigyan diin niya ang sa kanyang mensahe ang
magagawa ng kasipagan at pagiging matiyaga ng bawat isa upang magkaroon
ng magandang kabuhayan. Ani pa niya, na sana hindi lang magtatapos ang
programang ito sa araw ng kanilang pagtatapos bagkus, ipagpatuloy ito at
lalong pag-ibayohin ang paggawa ng mga handi-craft products upang
makaragdag ng income sa kani-kanilang mga pamilya.
Dumalo rin sa nasabing pagtatapos ng ALPS cum Livelihood Program sina
Hon. Nicolasa Oroncillo, Sangguniang Bayan Member ng Las Navas, Brother
Roberto Cabe ng Las Navas Pastoral Council, ang mga kasundaluhan ng 63rd
IB sa pangunguna ni Maj. Raymundo C Picut, ang batalyon Executive
Officer ng 63IB at mga volunteers ng World of Hope Foundation.
Laking pasasalamat ni Mrs. Nilda Ornada, ang presidente ng mga nagtapos
ng ALPS cum livelihood sa Bayan ng Las Navas sa tulong at suporta ng mga
kasundaluhan upang lalo nilang malinang ang kanilang kaalaman sa paggawa
ng mga handi-craft na mga produkto na malaking tulong para sa kanila
upang makadagdag sa kanilang pang araw-araw na ikabubuhay.
Ayon kay Ltc Joel M Paloma, Commanding Officer ng 63rd Infantry
Battalion ng Philippine Amy na nakabase sa Barangay Opong, Catubig,
Hilagang Samar, na ipagpapatuloy pa rin ng kanyang mga kasundaluhan ang
programang Army Literacy Patrol System lalong lalo na sa lugar na
kanyang nasasakupan upang makatulong mapaunlad at makadagdag ng
pangkabuhayan sa mga mamamayan dito sa pangalawang distrito ng Hilagang
Samar.
Nagpapasalamat din ang pamunuan ng 63rd Infantry Battalion sa ibat -ibang
ahensiya ng gobyerno tulad ng Kagawaran ng Edukasyon at ng Lokal na
Gobyerno ng Las Navas sa pagsupurta sa programa ng batalyon lalong lalo
na sa Army Literacy Patrol System (ALPS) cum livelihood na naging
matagumpay at makabuluhan ang pagsagawa ng programang ito.
|
