"KAWAL ARMOR NAKIISA SA BRIGADA ESKUWELA"
Kampo O'Donnell, Capas, Tarlac - Naging matagumpay ang dalawang (2) araw
na pakikiisa ng mga kasundaluhan ng Light Armor Division (LAD) sa
ginanap na "Brigada Eskuwela" sa pangunguna ni MAJ JUDIEL SOCAL, Deputy
for Civil Military Operations ng LAD sa dalawang paaralang pampubliko,
ito ay ang Cristo Rey High School at Sta Lucia High School na ginanap
noong ika 26-27 ng Mayo 2010.
Muling binuhay ng Light Armor Division at nang Kagawaran ng Edukasyon (DepEd)
ang diwa ng bayanihan ng mga Pilipino sa paglulunsad ng Brigada Eskwela
na layong magtulong-tulong sa pagkukumpuni at pagpapaganda ng mga
paaralan para sa darating na pasukan sa Hunyo 15.
Ang nasabing programa ay taunang aktibidad na ng DepEd at ng Hukbong
Katihan ng Pilipinas kaisa ang mga magulang ng mga estudyante ang
pagtutulungan sa ilalim ng Brigada Eskwela para sa pagkukumpuni ng mga
sirang kagamitan at pasilidad ng paaralan. Ang mga nasabing paaralan ay
malapit lamang sa kampo at halos karamihan sa mga ang-aaral ay mga anak
ng sundalo. Ginagawa nila ito upang maging ambag lalong lalo na ang mga
sundalong magulang sa edukasyon ng kanilang mga anak dahil sa libre
naman ang pag-aaral.
Pinangunahan din ni Sarhento Richard Versoza ang mga tauhan ng Engineer
Combat Company ng LAD na siyang nagkumpuni ng mga sirang mga upuan,
pisara at ibang kagamitan sa paaralan. Bukod sa mga kasundaluhan, kaisa
rin sa paglulunsad ang mga magulang, mga mag-aaral at ilang mga
non-government organization (NGOs) para sa ikakatagumpay ng nasabing
programa.
Pinasalamatan ng mga mga guro, magulang at mga mag aaral ang pamunuan ng
Light Armor Division sa pamumuno ni BGEN CARLOS E LUCES AFP ang bagong
hirang na pinuno ng LAD dahil sa malaking tulong na naigawad nila sa
nabiyayaang paaralan dahil simula pa noong inulunsad ang “Brigada
Eskwela” taong 2003, nasa P9 bilyon halaga na sa maintenance ang natipid
ng DepEd dahil sa nasabing programa. Tinatayang aabot 21 milyong mga
mag-aaral sa elementarya at high school ang mga magsisipasok sa mga
paaralan ngayong School Year 2010-2011.
|
